去韓國點會少得指定動作吖？ 就係行街shopping喇😆！
首爾街頭到處都有機會見到大大細細嘅熊仔同角落公仔，唔止有得睇，而且重可以將佢地食埋落肚添😝。
一路行一路掃街食地道小食😋😋，真係大滿足！
相信〝奀your哈些your〞大家都一定知道係咩，但如果買野想講價又係點講呢？好易記：就係〝殺雞your〞喇。即係叫人地平D啦咁囉，不過都係果句，無論去到任何地方，千祈咪貪得意叫人減價，但講完價又唔買呀，知道嘛😉？！
#韓國 #首爾 #熊出沒 #角落 #地道小食 #講價 #行街買野
#South
Korea #Seoul #Rilakkuma #bear #San-X #authentic snack #bargain #shopping
仁川除咗去童話村，梗係要去親手餵埋海鷗啦😍！
大家唔好諗住餵海鷗係要濕淋淋，其實係非常衛生，就連小朋友都玩得開心又食得開心，點解小編會話食得開心呢？ 因為餵海鷗係用蝦條架！ 小編就見到好多小朋友一路餵一路食，直情係海鷗一條我又一條咁，真係超開心超攪笑😆😆。
基本上當舉高條蝦條，海鷗係唔會咬到大家嘅手指，但如果真係有小小驚嘅，亦可以試下將蝦條輕輕拗出去，等D海鷗喺近距離食，一樣可以製造近距離接觸，用快拍都一定可以影到好靚嘅畫面留念😉。
餵餵下口痕痕咪自己又食返兩條囉，一路玩一路食都幾好吖。
餵完海鷗，喺碼頭附近重有一個小型遊樂場🎡，有時間記得過去行下玩下，重有好多街邊小食架
#韓國 #仁川 #餵海鷗 #小型遊樂場 #齊齊食蝦條 #街邊小食
#South Korea #Incheon #seagulls #small playground #eat prawns together #street snacks
韓國濟州島同大邱風景宜人，作為渡假輕鬆遊真係一個唔錯嘅選擇；但其實首爾同周邊地區都有唔同玩樂，啱哂一家大細去玩。
疫情前嘅冬天，小編就喺尼個喜歡嘅地方渡過咗一個非常愉快嘅假期。
當時韓國嘅氣溫大約係2-5度，因為濕度比較低嘅關係所以一D都唔感覺凍，尼種清涼乾爽嘅天氣最適合戶外活動。
[愛寶樂園] 真係一個適合所有人嘅好去處，睇動物、玩機動遊戲、表演節目、絕美花園影相打卡應有盡有。
小編一行人有老有嫩，所以主打睇動物，行下食下野輕輕鬆鬆咁啦。
#韓國 #首爾 #愛寶樂園 #動物園 #機動遊戲 #絕美花園 #打卡影相 #小朋友最愛 #一日玩唔哂
#South Korea #Seoul #Everland #Zoo #amusement park #beautiful garden #Punch photo #children favorite
韓國係小編非常喜愛嘅地方，記得第一次去濟州島同大邱，感覺真係非常舒服，自然清新人亦有禮。
如果大家去韓國係跟旅行團，可能好多時都會遇到一D香港導遊 (即係香港人啦😂)。小編亦都唔例外，遇到一個由香港去到韓國居住嘅導遊，感覺非常親切 (因為大家都係講廣東話嘛)😉。
年輕導遊由香港去到韓國之後，娶咗一個韓國女仔，原來佢話韓國嘅傳統係女人嫁男人時會將所有身家交哂比個男人，之後就由男人養個女人一世。不過喺依家尼個男女平等，財政獨立嘅年代，尼D傳統應該都開始消失lu😅。
日出峰係濟州島出名嘅名勝，地方大空氣好，一大片嘅草地，而上到山頂重有一望無際嘅海景，果種輕鬆同心曠神怡嘅感覺真係好難去形容，一定要親身去感受下先會明白當中嘅美好😌。
假如旅伴中有長者亦都可以喺山腳坐一坐飲下水，欣賞下周圍景色。
大家又知唔知道，原來日出峰係剛入伍〝新兵〞經常去訓練體能嘅地方呢？ 小編就試過同〝新兵〞並肩一齊行上山頂。
喺濟州島周圍都會見到當地嘅土地公，外型都幾可愛架。對於濟州土地公有好多嘅傳聞，但小編就無理太多，只相信係守護神囉，所以都帶咗一對土地公同土地婆返黎香港，更隨身帶住一個土地公喺身邊，不過佢已經甩哂色lu，依家變咗好似〝差里〞🤣🤣，唔知大家又覺唔覺呢？
因為係沿海地區關係，喺濟州島同大邱可以嘗盡新鮮海產，以前重可以去睇〝海女〞表演，不過由於商業經濟嘅發展，年輕一輩都已經無人再做〝海女〞，所以基本上都已經好難再睇尼類表演喇。
而小編最有印象嘅新鮮海產可以話係八爪魚刺身，睇住D八爪魚被切後重郁下郁下，當你想食佢嘅時候佢重會繼續吸住個咀同條脷，真係非常艱難先至食到一條觸鬚架😅。
#韓國 #濟州島 #大邱 #土地公 #守護神 #八爪魚 #海女 #入伍新兵 #日出峰
#South Korea #Jeju Island #Daegu #Groundskeeper God #octopus #Haenyeo #Seongsan Ilchulbong