諗諗下無理由人生嘅第一次旅遊只係記得2個地方, 小編好努力回帶, 雖然記起嘅依然唔多, 但由一個魔鬼魚手袋開始回復返小小記憶🤣。
其實唔知大家有無參加過D舊式嘅旅行團呢？
小編第一次去旅遊已經係好耐好耐之前嘅事喇 (唔係因為小編年紀大, 只係小編當年非常年輕咋😝)。
關於舊式嘅旅行團, 因為當時旅行未係大流行嘅活動, 而且有好多地方未全力開發旅遊事業, 所以選擇唔算多, 同埋多數都係一D國家級嘅景點 (即係購物團)。
頭先講到點解我會由一個魔鬼魚手袋而記返起呢？係因為同行旅伴 (即係我媽媽😂) 買咗個魔鬼魚手袋, 當年換算返都要成$2XXX港幣, 所以我諗諗下記得 (因為感覺實在太貴......)，更何況喺果度我連一條魔鬼魚都無見過囉😑😑......只係得D銀包, 手袋, 皮帶同所謂嘅寶石, 媽媽重買咗2粒"貓眼石"比我, 話用黎鑲耳環, 到我大咗先知原來喺馬路一街都係......🙈。
除咗尼個"購物景點"之外, 亦都去咗毒蛇研究中心同鱷魚潭。
毒蛇研究中心有毒蛇睇, 有D表演, 但實際都係一個購物景點, 買下D保健藥咁啦。 而鱷魚潭都係一樣, 有鱷魚睇, 可以用隻雞釣下鱷魚, 又係有表演睇, 最後當然唔小得都係買下手袋, 皮帶同鱷魚肉。
可能大家會問: 有無人會買？ 當然有, 始終當年社會同經濟上無咁方便, 好多野唔同依家喺香港都可以買到, 所以都好多團友買架😉。
大家又有無去過尼D地方呢？ 又或者尼D地方已經同以前唔同哂呢？ 歡迎同我地分享一下😊。
#泰國 #旅遊回憶 #旅遊分享 #旅行團 #毒蛇研究中心 #魔鬼魚 #鱷魚潭 #遊泰國 #Thailand
#travelmemories #travelsharing #tourgroup #snakefarm #devilfish #crocodilepool